Nú er stutt í að fyrsti hópur ársins 2010 fari af stað og verður það hópur 11 í Nýttu Kraftinn. Við miðum við að fara af stað strax í byrjun febrúar og gefum út nákvæma tímasetningu um leið og allir lausir endar varðandi staðsetningar o.fl. hafa verið hnýttir.

Allir sem þegar höfðu skráð sig hafa nú fengið tölvupóst með nánari upplýsingum en ekki allir hafa staðfest þátttöku svo það er tækifæri fyrir fleiri að bætast við í hópinn. Hvetjum alla áhugasama að drífa sig í að skrá sig í gegnum www.nyttukraftinn.is sem og þá sem þekkja til atvinnuleitenda að láta strax vita af fyrirætlunum.

Árangur þeirra sem koma í Nýttu Kraftinn er ótvíræður, þátttakendum gengur mjög vel að finna sér nýja vinnu eða ný framtíðaráform og stöðugt berast upplýsingar um ný tækifæri og ný störf eftir því sem lengra líður á ferlið.