Smelltu hér og skráðu þig

 

Allra Átta vefsíðufyrirtæki styrkir þessa vefsíðu. www.8.is

Fréttir
19.09.09
Spennandi sjálfbođastarf í bođi

Nordisk Panorama - Frábært tækifæri fyrir NÝTTU KRAFTINN félaga að taka að sér sjálfboðastarf fyrir Nordisk Panorama kvikmyndahátíðina 25.-30. september. Í þessu geta ýmiss tækifæri falist t.d. til að hitta fullt af fólki endurnýja eða mynda ný tengsl að auki eru bíómiðar, boð í opnunarhóf o.fl. í boði ... og hver veit hvaða dyr kunna að opnast.

Áhugasamir hafi endilega samband við Þóru Gunnarsdóttur hjá Nordisk Panorama í síma 699 7923 eða á netfangið thora@nordiskpanorama.com og látið endilega vita að þið séuð í Nýttu Kraftinn. Hún kemur upplýsingum um ykkur svo áleiðis til þeirrar manneskju sem hefur yfirumsjón með sjálfboðaliðunum.  Hún hefur samþykkt að votta störfin og er einnig tilbúin að gefa meðmæli sé þess óskað.  Heimasíðan er www.nordiskpanorama.com

Hér er að finna ítarlegri upplýsingar um verkefnið.

Ég, Þóra Gunnarsdóttir er að vinna við stutt- og heimildamyndahátíð sem verður haldin í Regnboganum dagana 25. - 30. september n.k. og við eigum von á í það minnsta um 400 erlendum gestum (aðallega frá Norðurlöndunum), auk þess sem íslenskir kvikmyndagerðarmenn taka líka mikinn þátt.
 
Fjármagnið sem við höfum til ráðstöfunar er ekki mikið og við höfum verið að leita eftir sjálfboðaliðum sem hefur gengið alveg ágætlega miðað við það að það er engin sjálfboðaliðamenning hér á landi.  En gott og vel.  Ég var að velta því fyrir mér hvort þau sem eru hjá ykkur í Nýttu kraftinn væru tilbúin til að starfa með okkur og vera sjálfboðaliðar.  Okkur vantar ekki síst fólk til starfa að deginum til og það er fullt af skemmtilegum störfum í boði.
 
Allar kvikmyndasýningarnar eru í Regnboganum, við höfum hann alveg fyrir okkur og veðrum með sýningar frá kl. 10 á morgnanna til kl. 10 á kvöldin (vaktirnar væru auðvitað aldrei svo langar - við erum að tala um kannski fjögurra tíma vakir í einu, eitthvað svoleiðis).   Við ætlum að setja upp lítið kaffihús í Regnboganum og höfum sótt um vínveitingaleyfi þannig að það verður stúss í kringum það, auk þess sem það þarf fólk í salina til að fylgjast með og rífa af og því um líkt. Ég tek það samt fram að það verða tveir stjórnendur í bíóinu sem sjá til þess að allt gangi smurt og vel fyrir sig. 
Það er líka gestamóttaka á Hótel Borg þar sem verður talsvert að gera og svo verður fjármögnunarmessa í Iðnó á mánudeginum og þriðjudeginum þar sem um 200 manns eru skráðir (aðallega útlendingar) og þar "pitchar" fólk sínum myndum, kynnir þær og reynir að fá frekara fjármagn og forselja verk sín.  Þar kostar t.d. 50.000 íslenskar krónur bara að vera áhorfandi þannig ef að það er einhver í hópnum sem hefur áhuga á kvikmyndagerð og fjármögnun heimildamynda, þá er þetta staðurinn til að vera sjálfboðaliði á :)  Þetta er bara smá sýnishorn af því sem er að gerast en það verður mikil aksjón.
 
Nú það er talsvert um boð og veislur.  Opnunin verður á föstudaginn í Regnboganum og svo verður farið í Regnbogann og við höldum opnunarboðið okkar með RIFF sem heldur á sama tíma sitt lokahóf.  Þetta er um 600 manna veisla þannig að það er nóg að stússast.  Svo er sérstakur dinner fyrir leikstjórana á laugardagskvöldið og gala awards dinner með þriggja rétta máltíð og dansiballi og huggulegheitum á þriðjudagskvöldinu sem verður haldið í Súlnasal Hótel Sögu.  Fyrir utan þetta eru svo ótal kvöldverðir á hinum ýmsu veitingastöðum en þar koma sjálfboðliðar lítið við sögu og það er allt frágengið.
 
Þeir sjálfboðliðar sem tækju þátt með okkur ca. helminginn af tímanum  (2 daga) fá auðvitað frítt í bíó á allar sýningar sem þau vilja (utan þess tím sem þau eru að vinna) og svo er boðið í lokahófið á Sögu.  Alls eru sýndar 72 nýjar stutt- og heimildamyndir, en heimildamyndirnar eru í fyrsta klassa og mjög áhugaverðar þannig að það er nóg að sjá ef fólk hefur áhuga.

Þóra Gunnarsdóttir
 

Nýjustu fréttir
VILTU EFLA ŢIG Í STARFI, FÁ NÝJA ÁSKORUN EĐA NÝTT STARF? Hafđu samband eđa skráđu ţig hér á síđunni...
Gaman að segja frá því að einstaklingsmiðaða...
Endurtökum námskeiðið Nýttu kraftinn og vertu öflugri...