Skráning er hafin í þennan fyrsta hóp ársins sem fer af stað föstudaginn 22. febrúar samkvæmt breyttu fyrirkomulagi en NÝTTU KRAFTINN ferlið verður framvegis með öðru sniði en áður. Það verður styttra og þéttara, mun spanna 5 vikur frá upphafi til útskriftar. Verkfærakistan okkar er orðin enn troðnari af tækjum, tólum og námsefni í því innan skamms kemur út samnefnd bók eftir okkur stöllur sem er kjarninn í kennsluefninu og fá þátttakendur í þessum hópi bókina í hendur.   

Ítarlegar upplýsingar um uppbyggingu og fyrirkomulag ferlisins, dagskrá hvers fundar o.fl. er að finna hér á síðunni sem og skráning en með því að smella á appelsínugula hnappinn á forsíðunni opnast skráningarformið ... ekki eftir neinu að bíða !!!

Rauði þráðurinn í Nýttu kraftinn er að menn taki hvern dag sem vinnudagur væri og að þátttakendur líti á atvinnuleit sem vinnu. Mikil áhersla er lögð á samvinnu þátttakenda milli funda með okkur leiðbeinendunum en fundir með okkur er frá kl. 10-16 og verða þrír á þessum 5 vikum þ.e. 22. feb, 26. feb og öðru hvoru megin við páskana. Þess á milli hittast hóparnir í u.þ.b. 2 tíma í senn, 1x í viku sem hefur gefið mjög góða raun.

Hvað kostar að taka þátt í Nýttu kraftinn? VMST, flest stéttarfélög, VIRK starfsendurhæfing og félagsþjónustur sveitarfélaganna styrkja eða greiða að fullu fyrir þátttöku sinna félagsmanna sem eiga tilskilin réttindi en þátttökugjaldið er 60.000 kr. fyrir fimm vikna ferlið með öllu sem í því felst þ.m.t. bókinni, öðrum kennslugögnum, hádegisverði og kaffi.

Skráðu þig sem fyrst - hlökkum til að taka á móti sem flestum föstudaginn 22. febrúar :)

Bestu kveðjur,

María Björk & Sigríður Snævarr